Յուրաքանչյուր մարդ ունի իր սեփական տեսակետն ու վարկածները տարբեր երևույթների շուրջ։ Ամեն մարդ իր երևակայության չափով պատկերացումներ է կազմում տարբեր գեղեցիկ առարկաների կամ երևույթների մասին։Ասում են,որ որքան գեղեցիկ են մարդու մտքերը, հոգին ու ներաշխարհը,այնքան շատ գեղեցիկ երևույթներ է նա նկատում իր շրջապատում։
Ինձ համար,ամենաառաջին հերթին, գեղեցիկ է համարվում կյանքը՝ իր դրական ու բացասական կողմերով հանդերձ։ Հետո ինձ համար <<ամենագեղեցիկներ>>-ի մեջ է մտնում մարդն իր կեցվածքով, վարք ու բարքով և ամենակարևորը՝ ներաշխարհով։ Արտաքին գեղեցկությունը ինձ համար էական չէ։ Ես գեղեցկություն եմ համարում մարդու հարուստ ներաշխարհը, հասուն մտքերը, մտածված քայլերը, տեղին ասված խոսքերը,անկեղծությունը,նվիրվածությունն ու բարությունը։ Այս հատկանիշներով օծված մարդը ինձ համար աշխարհի ամենագեղեցիկ ու իդեալական երևույթն է։
<<Գեղեցիկ>>-ի շարքում ես դասում եմ սերը, հավատարմությունը, զգացմունքները,դրական զգացումները,հույզերն ու ապրումները։ Նյութականի աչք ծակող ճոխությունն ու <<գեղեցկությունը>> չեն կարող շոյել իմ աչքը այնպես,ինչպես այս ամենը,որոնք աներևույթ են,բայց տեսանելի են հոգու աչքերի հա
մար։ Նաիրա Առաքելյան ✔
Комментариев нет:
Отправить комментарий