Եթե ապրել...

Եթե ապրել, ապա շիտակ,

Եթե սիրել, ապա մաքուր,

Եթե զգալ, ապա հստակ,

Եթե լինել, ապա թափուր:

Պիտի լինես այնպես ազատ,

Այնպես կտրուկ, նուրբ ու հստակ,

Որ մեռնելիս քնես հանդարտ

Ու հետո էլ հիշվես իստակ:

Պիտի լինես մաքուր, բարի,

Որ ինչքան էլ անցնի տարի

Հիշվես համայն աշխարհից,

Որ հեռացար այս կյանքից:

Պիտի լինես կոկիկ, անկեղծ,

Որ անգամ ամենակեղծ

Մարդը փորձի քեզ նմանվի

Ու աշխարհը քեզնով փոխվի:

Պիտի լինես ջինջ ջրի պես,

Բայց մեկ-մեկ խավար անձրևաջրի պես,

Պիտի լինես պարզ ծովի պես,

Բայց փոթորկես ալիքի պես,

Որ հասկանաս ո՞վ է քեզ հետ

Եվ ով քո դեմ միշտ, առհավետ,

Որ հասկանաս ո՞վ է կողքիդ,

Ո՞վ է կանգնած միշտ թիկունքիդ,

Եվ ո՞վ է, որ ժպտում է քեզ,

Բայց փաղչում է վախկոտի պես:
                                                Նաիրա Առաքելյան ✔