Մարտի 8

Օրն այս շքեղ, դյութական,

Թող մեզ թվա հավերժական,

Օրն այս լեցուն ու հմայիչ,

Թող միշտ մնա հրապուրիչ:

Արդիական այս տոնը մեծ,

Թող պարուրի ամենամեծ

Սրտերը մեր մայրերի,

Քույրերի ու ուսուցիչների:

Շնորհավոր թող լինի

Մարտի 8-ը սիրելի,

Անսահման սեր թող տիրի,

Երջանկություն մեզ պարգևի:

Թող միշտ ժպտան ու շողան

Մայրերը մեր սրբազան,

Թող միշտ լինեն երջանիկ

Հեզաճկուն աղջիկները մեր գողտրիկ,

Թող միշտ լինեն մեծ գիտակ

Ուսուցիչները մեր լավատեղյակ:

Թող միշտ ապրեն, գեղեցկացնեն

Եդեմածին մեր դյութաշեն

Կանայք այս մեծ երկրագնդի

Ու անսահման տիեզերքի:  

                                              (part 2)

Օրն այս շքեղ, լուսապայծառ

Թող միշտ մնա ջինջ ու կայտառ,

Օրն այս թովիչ ու սիրելի

Թող միշտ մնա շատ գովելի:

Շնորհավոր թող լինի ,

Մարտի 8-ը սիրելի

Անսահման սեր թող տիրի,

Գարնան բույրով մեզ պարուրի:

Թող միշտ ապրեն ու ջերմացնեն

Արևաշող մեր դյութաշեն

Կանայք պատրաստ օգնության

Ու անսահման բարության:

Շնորհավոր թող լինի

Մարտի 8-ը փրկարարի

Թող միշտ ապրեն, գեղեցկացնեն,

Մեզ միշտ օգնեն ու կյանք փրկեն:

Մեր փրկարար կանայք ճկուն

Թող միշտ մնան աննկուն,

Ապրեն, օգնեն ու արարեն

ԵՎ աշխարհը բարով լցնեն:
                                              Նաիրա Առաքելյան ✔